پنجاب یونیورسٹی کے طلباء وطالبات کے وفد نےپنجاب سیف سٹیز اتھارٹی کا دورہ کیا۔تفصیلات کے مطابق وفد میں کریمنالوجی ڈیپارٹمنٹ کے 45 طلباء اور طالبات شریک تھے۔وفد کو پاکستان کے پہلے "ورچوئل ویمن پولیس اسٹیشن "کا دورہ کروایا گیا۔آپریشن کمانڈر شفیق احمد نے وفد کو"ورچوئل ویمن پولیس اسٹیشن"کی ورکنگ بارے بریفنگ دی۔طلباو طالبات کو 15 ایمرجنسی کال سنٹر،15پینک بٹن، ویمن سیفٹی ایپ لائیو چیٹ فیچر بارے بتایا گیا۔وفد کو بریفنگ دیتے ہوئے بتایاگیا کہ ورچوئل ویمن پولیس اسٹیشن میں خواتین کی شکایت پر 1ہزار 524 کیسز کی ایف آئی آرز درج کروائی جاچکیں ہیں۔وفد کو ایف آئی آر کے اندراج، انویسٹی گیشن اور ٹرائل کے مراحل میں راہنمائی کے حوالے سے بریف کیا گیا۔اب تک ساڑھے 4 لاکھ سے زائد خواتین وویمن سیفٹی ایپ انسٹال کرچکی ہیں۔خواتین بروقت امداد اور معلومات کے حصول کیلئے ویمن سیفٹی ایپ انسٹال کریں۔