لاہور میں گزشتہ روز سے بارش کا سلسلہ وقفے وقفے سے جاری ہے، ایسے میں سردی جاتے جاتے ایک بار پھر ٹھہر گئی اور شہریوں کو پھر سے گرم کپڑے استعمال کرنے پر مجبور کر دیا ہے، گزشتہ روز بارش کے ساتھ شہر کے کئی علاقوں میں ژالہ باری بھی ہوئی، جس سے درجہ حرارت چار سے پانچ ڈگری سینٹی گریڈ تک نیچے آگیا، شہر میں آج صبح سے بوندا باندی جاری ہے، جس سے دفاتر جانے والے بعض افراد کو مشکلات کا سامنا کرنا پڑا جبکہ کئی افراد بارش سے لطف اندوز بھی ہوئے، دوسری جانب محکمہ موسمیات نے مزید دو روز تک بارش کا سلسلہ جاری رہنے کی نوید سنا دی ہے۔