پاکستان میں 5دن میں طبی عملے کے مزید 257ارکان کورونا وائرس کا شکار ہوگئےجبکہ وبائی مرض سے جاں بحق افراد کی تعداد 679تک پہنچ گئی۔ملک میں کورونا وائرس کے ٹیسٹوں کی تعداد بڑھنے سے مریضوں میں بھی تیزی سے اضافہ سامنے آرہا ہے۔پاکستان میں کورونا وائرس سے 5ڈاکٹروں سمیت طبی عملے کے 11ارکان جاں بحق ہوچکے ہیں۔رپورٹ کے مطابق 9مئی تک طبی عملے کے 766افراد مہلک وائرس کا شکار ہوئے جن میں 440ڈاکٹر،111نرسیں، 215 دیگر پیرامیڈیکل اسٹاف کے ارکان شامل ہیں۔اعداد و شمار کے مطابق پاکستان میں کورونا وائرس کے مصدقہ کیسز کی تعداد ساڑھے 31ہزار تک پہنچ گئی ہے، جن میں سے 8ہزار 280مریض صحتیاب ہوچکے ہیں۔ملک میں اس وقت ساڑھے 22ہزار سے زائد افراد میں کورونا وائرس موجود ہے، جن میں 290مریضوں کی حالت تشویشناک ہے۔پاکستان میں وبائی مرض سے جاں بحق افراد کی تعداد 679تک پہنچ چکی ہے جبکہ ملک میں کورونا وائرس کے مجموعی ٹیسٹوں کی تعداد 2لاکھ 95ہزار تک پہنچ چکی ہے۔دوسری جانب وزیراعلی سندھ سید مراد علی شاہ کا کہنا ہے کہ سندھ میں کورونا وائرس سے مزید 11اموات ہوئی ہیں۔وزیراعلی سندھ سید مراد علی شاہ نے صوبہ سندھ میں کورونا وائرس کی صورتحال سے متعلق اپنے بیان میں کہا کہ 537کورونا کے نئے کیسز رپورٹ ہوئے ہیں جبکہ کورونا کے باعث 11اموات ہوئی ہیں۔

وزیراعلیٰ پنجاب سردار عثمان بزدارنے جیل اصلاحات کاجائزہ لینے کیلئے آج اہم اجلاس طلب کر لیا