شہر قائد میں عید تک کتنے دن مارکیٹیں کھلی رہیں گی، اس سلسلے میں سندھ حکومت نے تفصیلات جاری کر دیں۔کراچی میں لاک ڈان میں نرمی کے بعد عید سے قبل صرف 7 دن مارکیٹیں کھلی رہیں گی، رواں ہفتے پیر سے جمعرات 4 دن مارکیٹیں کھلی رہیں گی۔آیندہ ہفتے پیر منگل اور بدھ (24، 25 اور 26 رمضان) کو 3 دن مارکیٹیں کھلی رہیں گی، جمعرات کو شبِ قدر کی وجہ سے مارکیٹیں بند رہیں گی، 27 رمضان کو تاجر برادری شب قدر کی وجہ سے مارکیٹیں بند رکھتے ہیں۔سندھ حکومت کے نوٹیفیکیشن کے مطابق جمعہ ہفتہ اور اتوار کو لاک ڈاون کی وجہ سے مارکیٹیں بند رکھی جائیں گی، کراچی میں رواں رمضان المبارک میں تاجروں کا عید سیزن صرف 7 دن کو ہوگا۔رمضان مبارک میں لاک ڈان کی وجہ سے چاند رات کو خریداری ممکن نہ ہو سکے گی، 28، 29 اور 30 رمضان یعنی جمعہ، ہفتہ اور اتوار کو لاک ڈان کی وجہ سے مارکیٹیں بند ہوں گی۔30 رمضان کو اتوار ہوگا اور پیر سے عید کی تعطیلات ہوں گی، عید کے بعد کا پہلا دن لاک ڈان کا ہوگا، عید الفطر کی تعطیلات کے بعد جمعہ، ہفتہ اور اتوار یعنی 29، 30 اور 31 مئی کو لاک ڈان ہوگا۔یاد رہے کہ سندھ حکومت نے کراچی سمیت صوبے بھر میں 31 مئی تک لاک ڈان میں توسیع کی ہوئی ہے

ٹرمپ-جو بائیڈن کا پہلا مباحثہ، ایک دوسرے پر ذاتی حملے