آسٹریلین کھلاڑی بھارت کیخلاف ٹی ٹونٹی سیریز میں 152 سال پرانی جرسی پہنیں گے
کرکٹ آسٹریلیا کے اعلی حکام نے تصدیق کی ہے کہ بھارت کیخلاف آئندہ تین میچوں کی ٹی ٹونٹی سیریز میں مردوں کی ٹیم کو دیسی جرسی پہنائے گی۔ یہ شرٹ 1868 میں پہلی بار آسٹریلین ٹیم نے بیرون ملک دورے میں زیب تن کی۔ 1868 میں آسٹریلین کرکٹ ٹیم نے برطانیہ تک تین ماہ کا سفر طے کیا تھا اور اس ٹیم نے انگلینڈ کے خلاف 47 میچز کھیلے تھے ۔کرکٹ آسٹریلیا نے ٹویٹ کیا کہ بچولہ اور گوبی گوبی کی سلی شرٹ 1868 کرکٹ ٹیم کی کہانی سنانے کو جاری رکھے ہوئے ہے۔یاد رہے کہ آسٹریلیا اور بھارت کے مابین سیریز میں 4 ٹیسٹ، 3 ون ڈے اور تین ٹی ٹونٹی میچز کھیلے جائیں گے۔ شیڈول کے مطابق سیریز کے پہلے دو ون ڈے میچز 27 اور 29 نومبر کو سڈنی میں ہوں گے جب کہ تیسرا ون ڈے 2 دسمبر کو کینبرا میں کھیلا جائے گا۔اعلان کردہ شیڈول کے مطابق ٹی ٹونٹی میچز 4, 6 اور 8 دسمبر کو کھیلے جائیں گے۔ سیریز کا پہلا ڈے نائٹ ٹیسٹ 17 دسمبر سے ایڈیلیڈ میں شروع ہوگا، دوسرا ٹیسٹ 26 دسمبر، تیسرا ٹیسٹ 7 جنوری اور چوتھا ٹیسٹ 15 جنوری سے شروع ہوگا۔ کرکٹ آسٹریلیا کے مطابق میچز اور سفری پلان حکومتی ہدایات اور پابندیوں سے مشروط ہے۔ 26 دسمبر کو ہونے والے ٹیسٹ میچ میں 25 ہزار شائقین کو میلبورن کرکٹ گرانڈ میں آنے کی اجازت ہوگی۔ دوسری جانب سڈنی کرکٹ گرانڈ میں 23 ہزار شائقین کو داخلے کی اجازت مل گئی جب کہ برسبین میں 30 ہزار اور ایڈیلیڈ اوول میں 27 ہزار شائقین آ سکیں گے۔
