سعودی عرب کی جدہ گورنری ، جدہ بلدیہ ، وزارت صحت ، وزارت تجارت، تعلیم اور جدہ گورنریٹ پولیس کی جانب سے تشکیل دی گئی کمیٹی نے کرونا وائرس سے نمٹنے کے لیےجدہ میں کام کرنے والے غیر  ملکی مزدوروں کو عارضی طور پرجدہ کے 12 اسکولوں میں منتقل کردیا ہے۔ تفصیلات کے مطابق جدہ  گورنری کے میونسپلٹی کے ترجمان محمد البقمی نے وضاحت کی کہ اعلی حکام کی ہدایت کے مطابق 12 سے زیادہ سرکاری اسکولوں کو عارضی طورپر رہائش گاہوں میں تبدیل کیا گیا ہے اور ان میں مزدوروں کو رکھا گیا ہے۔ انہوں نے کہ امارہ مکہ مکرمہ کے علاقے کی ہدایت پر بنائی گئی کمیٹی نے جدہ میں مزدور ہاؤسنگ کمپلیکس کے لیے 531 مقامات کی مانیٹرنگ کی ہے۔ ان رہائش گائوں میں 330 کا وزٹ کرلیا گیا ہے جبکہ باقی کا بعد میں کیا جائے گا۔ سعودی عہدیدار نے بتایا کہ 53،280 مزدوروں اور غیرملکی ملازمین کا طبی معائنہ کیا گیا ہے۔ تاہم ان میں کسی کا ٹیسٹ مثبت نہیں آیا ہے۔

نیازی نے مسلح جتھوں کے ساتھ جوڈیشل کمپلیکس پر حملہ کیا، رانا ثنا اللہ