بیلجیئم میں ہڑتال ، تمام فضائی پروازیں معطل رکھنے کا اعلان
بیلجیئم میں ملک گیر ہڑتال کے باعث تمام فضائی پروازیں معطل رکھنے کا اعلان کردیا گیا۔عرب میڈیا نے کہا ہے کہ ٹریڈ یونینز کی کال پر آج ملک بھر میں ہڑتال کی جائیگی۔ ایئر ٹریفک کنٹرول کی جانب سے جاری اعلامیے میں کہا گیا ہے کہ ہڑتال کے دوران قومی فضائی کمپنی کی تمام ملکی و غیرملکی پروازیں متاثر رہیں گی۔ جس کے نتیجے میں سڑکوں پر زمینی سواریوں اور ٹرینوں میں شدید رش کا خدشہ ہے۔واضح رہے کہ ہڑتال بیلجیئم میں مزدوروں کی تنخواہوں میں اضافے کے لئے کی جارہی ہے۔