وزیراطلاعات ونشریات چوہدری فواد حسین نے کہا ہے کہ پاکستان اور سعودی عرب برادر ملک ہیں اور دونوں کے تعلقات باہمی احترام اورتعاون پرمبنی ہے ۔ ان خیالات کااظہار انہوں نے اتوار کے روز اپنے سعودی ہم منصب Turki Al-Shabanah  سے ٹیلی فون پر گفتگو کرتے ہوئے کیا ۔ فواد چوہدری نے کہاکہ سعودی ولی عہد کے دورہ پاکستان سے دوطرفہ تعلقات مزید مضبوط ہوںگے ۔ انہوں نے کہاکہ دونوں ملکوں کے ذرائع ابلاغ کے دوران مستقبل میں تعاون کے نئے امکانات پیدا ہوںگے ۔