خیبرپختونخوا اور تھرپارکرمیں انسداد پولیومہم آج شروع ہورہی ہے
خیبرپختونخوا کے آٹھ اضلاع میں انسداد پولیومہم آج شروع ہورہی ہے جو تین روز جاری رہے گی۔ صوبائی محکمہ صحت کے مطابق ان اضلاع میں صوابی،بونیر،چارسدہ، مردان، نوشہرہ، مالاکنڈ، سوات اورمہمندشامل ہیں۔مہم کے دوران پانچ سال تک کی عمر کے بیس لاکھ سے زائدبچوں کوپولیو سے بچائو کے قطرے پلائے جائیں گے۔بچوں کوپولیو سے بچائو کے قطرے پلانے کے لئے سات ہزارآٹھ سوٹیمیں تشکیل دی گئی ہیں۔پولیو ٹیموں کی سیکیورٹی کے لئے جامع انتظامات کئے گئے ہیں۔ ضلع تھرپارکرکی نوحساس ترین یونین کونسلوں میں بھی پولیو مہم آج شروع ہورہی ہے جو پانچ روز جاری رہے گی۔تھرپارکرکے ضلعی افسرڈاکٹرارشاداحمدمیمن کے مطابق پانچ سال تک کی عمر کے بچوں کو پولیو سے بچائو کے قطرے پلانے کے لئے ایک سواکہترموبائل ٹیمیں تشکیل دی گئی ہیں۔
