ہم نے فیصلہ کن جنگ لڑنی ہے:مولانا فضل الرحمان کا اعلان
لورالائی میں پی ڈی ایم جلسہ سے خطاب کرتے ہوئے مولانا فضل الرحمان کا کہنا تھا کہ دور دراز کے علاقوں سے عوام کا سمندر ہمارے جلسوں میں امڈ آتا ہے،یہ موجیں مارتا سمندر کوئی مقاصد رکھتا ہے،عمران خان نے جانا ہی جانا ہے، یہ تو کسی کھاتے کا انسان نہیں ہے،اس وزیراعظم کو تو عقل ہی نہیں ہے، اس کو کوئی سمجھ ہی نہیں ہے،پہلے کہتا ہے کہ حکومت آئے گی تو ریاست مدینہ بناوں گا، تھوڑا عرصہ گزرتا ہے تو کہتا ہے کے پاکستان میں چین جیسا نظام لاوں گا،پھر کہتا ہے کہ ایران جیسا انقلاب آنا چاہیے، پھر کہتا ہے کے امریکا جیسا نظام ہونا چاہیے پاکستان میں،فیصلہ یہ کرنا ہے پاکستان کا مالک پاکستان کی عوام ہے یا پاکستان کا مالک کچھ طاقتیں ہے،آج فیصلہ کن وقت آ گیا ہے، آج ہم نے فیصلہ کن جنگ لڑنی ہے، ہم یہاں پر آج آزادی کی جنگ لڑ رہے ہیں، ہمارے آباؤ اجداد نے آزادی کی جنگ لڑی اور انگریز کو ہندوستان چھوڑنے پر مجبور کیا،ہمیں پاکستان کو ایک آزاد ریاست کے طور پر دنیا میں متعارف کروانا ہے۔
