نیوزی لینڈ نے بھی شرحِ سود میں اضافہ کر دیا۔
امریکا کے بعد نیوزی لینڈ نے بھی شرحِ سود میں اضافہ کر دیا۔غیر ملکی خبر رساں ادارے کے مطابق ریزرو بینک آف نیوزی لینڈ نے شرحِ سود 50بیسز پوائنٹس بڑھا دی ہے۔ریزرو بینک آف نیوزی لینڈ کی جانب سے شرحِ سود کو 2.50فیصد کیا گیا ہے۔میڈیا رپورٹس کے مطابق نیوزی لینڈ میں مہنگائی کنٹرول کرنے کے لیے مسلسل چھٹی بار شرحِ سود میں اضافہ کیا گیا ہے۔خیال رہے کہ گزشتہ ماہ امریکا میں شرحِ سود میں اچانک غیرمعمولی اضافہ کیا گیا تھا۔امریکا میں مہنگائی قابو کرنے کے نام پر شرحِ سود 0.75 فیصد بڑھائی گئی ہے۔غیر ملکی میڈیا کے مطابق 1994 کے بعد پہلی بار شرحِ سود میں اس قدر اضافہ کیا گیا ہے۔
