چینی باشندوں سے پاکستانی خواتین کی شادیوں کا ڈراپ سین ہونے لگا۔ گوجرانوالہ کی مزید دو خواتین پاکستانی سفارتخانے کی مدد سے واپس گھر پہنچ گئیں۔ فیصل آباد کی سمیرا کی بہن نے بھی حکام سے اپیل کی ہے، چین سے بہن کی واپسی کیلئے اقدامات کئے جائیں۔ چینی باشندوں سے پاکستانی خواتین کی شادی کا معاملہ، گوجرانوالہ کی دو خواتین واپس گھر پہنچ گئیں۔ گوجرانوالہ کے علاقے فتو منڈ کی رہائشی ربعیہ نےژانگ شوچن سے یکم جنوری کو شادی کی تھی۔ شادی سے تین ہفتے بعد چین چلی گئی تھی۔ چین پہنچنے پروہ تشدد کا نشانہ بھی بناتا رہا، پاکستانی سفارتخانے کی مدد سے پاکستان واپس پہنچی۔ چینی باشندے سے شادی کرنیوالی ردا کی کہانی بھی کچھ ایسی ہے، ردا نے بتایا کہ وہ چینی شہری سے شادی کے بعد اسلام آباد میں رہائش پذیر ہوئی جہاں وہ روز تشدد کا نشانہ بناتا تھا، جس کی وجہ سے وہ فرار ہو کر گھر پہنچ گئی اور چینی شوہر کے خلاف درخواست بھی دی۔ دوسری فیصل آباد کی سمیرا کی بہن حمیرا بھی اس کی واپسی کیلئے حکام سے اپیل کر رہی ہے۔ اس کا کہنا ہے سمیرا کی شادی کو 5 ماہ ہو گئے وہ چین جانے کے بعد بہت پریشان ہے، اس کی مدد کی جائے۔ غریب گھرانوں کی کئی لڑکیاں چینی باشندوں کے چنگل میں پھنس چکی ہیں جنہیں سہانے مستقبل کا خواب دکھا کر مبینہ مکروہ دھندے پر مجبور کیا گیا، اب ان شادیوں کے ڈراپ سین کا سلسلہ شروع ہوگیا۔

واشنگٹن: کیپٹل ہل پر ایک بار پھر مسلح گروہوں کی حملہ آور ہونے کی اطلاعات، واشنگٹں میں سیکیورٹی ہائی الرٹ