ٹی20 ورلڈکپ فائنل؛ ہدف کے تعاقب میں انگلینڈ کے 32 رنز، 2 کھلاڑی آؤٹ
میلبرن: ٹی20 ورلڈکپ کے فائنل میں انگلینڈ نے پاکستان کے خلاف 3 اوورز میں 2 وکٹ کے نقصان پر 32 رنز بنالیے۔
میلبرن میں کھیلے جارہے میگا ایونٹ کے فائنل میں انگلش ٹیم کے کپتان جوز بٹلر نے ٹاس جیت کر پاکستان کو بیٹنگ کی دعوت دی، قومی ٹیم کے اوپنرز ابتداء سے ہی پریشانی کا شکار نظر آئے۔پہلے بیٹنگ کرتے ہوئے قومی ٹیم نے مقررہ 20 اوورز میں 8 وکٹوں کے نقصان پر 137 رنز اسکور کیے، کپتان بابراعظم 32 اور شان مسعود 38 رنز بناکر نمایاں رہے، دیگر کھلاڑیوں میں محمد رضوان 15، محمد حارث 8، شاداب خان 20، محمد نواز 5، محمد وسیم جونئیر 4، افتخار احمد صفر پر پویلین لوٹے۔
