وزیراعظم شہباز شریف سے فلسطین کے صدر محمود عباس کی ملاقات
وزیراعظم شہباز شریف کا کہنا ہے کہ فلسطین نے سیلاب زدگان کی جس طرح مدد کی اسے بھول نہیں سکتے۔وزیراعظم شہباز شریف سے فلسطین کے صدر محمود عباس نے ملاقات جس میں دونوں رہنماؤں کے درمیان دلچسپ مکالمہ ہوا .وزیراعظم شہباز شریف کا کہنا تھا سیلاب کے دوران آپ کی مدد کے لیے بےحد شکر گزار ہوں جس پر فلسطینی صدر کا کہنا تھا پاکستان ہمارا گھر اور پاکستانی ہمارے بھائی اور بہنیں ہیں، پاکستانی ہمارے گھر کے لوگ ہیں، ہم نے اُن کے لیے کچھ بھی نہیں کیا۔شہباز شریف کا کہنا تھا ایسانہ کہیں، فلسطین نے سیلاب زدگان کی جس طرح مدد کی، وہ بھول نہیں سکتے، آپ کی کامیابی تک پاکستان آپ کے حق کے لیے آواز بلند کرتا رہے گا۔صدر محمود عباس کا کہنا تھا مفتی فلسطین اپنی وفات تک پاکستان میں رہے، ان کی دیکھ بھال پاکستان نے کی، جس پر شہباز شریف نے کہا کہ فلسطین ہمارے دل میں اور ہمارے ایمان و یقین کا حصہ ہے۔
