ملک کے مختلف شہروں میں ڈینگی نے خطرے کی گھنٹی بجا دی، سندھ میں مریضوں کی تعداد 1800سے تجاوز کر گئی جبکہ خیبر پختونخوا میں ایک ہزار تک پہنچ گئی، پنجاب کے مختلف شہروں میں بھی ڈینگی تیزی سے پھیلنے لگا۔صفائی کے ناقص انتظامات اور غفلت سے ملک کے مختلف شہروں میں ڈینگی پھیلنے لگا، کراچی میں ڈینگی سے متاثرہ مزید 20مریض ہسپتالوں میں پہنچ گئے۔ سندھ میں رواں سال ڈینگی سے متاثرہ مریضوں کی تعداد 1841تک پہنچ گئی۔ محکمہ صحت کے مطابق موذی مرض 8افراد کی جان بھی لے چکا ہے۔خیبرپختونخوا میں ڈینگی کے 1800سے زائد مشتبہ کیسز رپورٹ ہوئے جن میں سے ایک ہزار کے قریب افراد کے خون میں وائرس کی تصدیق ہوئی ہے۔ فیصل آباد میں بھی ڈینگی کا مرض پھیلنے لگا۔ الائیڈ ہسپتال میں ڈینگی کے 5 مریض لائے گئے۔ مختلف ہسپتال میں لائے گئے متاثرہ مریضوں کی تعداد 34تک پہنچ گئی۔نارووال میں بھی موذی مرض کے 3مریض سامنے آگئے۔ ڈی ایچ کیو ہسپتال انتظامیہ نے متاثرہ افراد کے ڈینگی کا شکار ہونے کی تصدیق کی ہے۔ متاثرہ مریضوں کے علاج کا سلسلہ جاری ہے۔

وزیرِ اعظم محمد شہباز شریف سے چیئرمین مینجمنٹ کمیٹی پاکستان کرکٹ بورڈ نجم سیٹھی کی ملاقات