ترجمان پاک فوج میجر جنرل بابر افتخار کی پریس بریفنگ پر پاکستان مسلم لیگ (ن) کی نائب صدر مریم نواز کا ردعمل سامنے آیا ہے۔

مریم نے سماجی رابطوں کی ویب سائٹ ٹوئٹر پر جاری بیان میں عمران خان کو مخاطب کر کے کہا کہ ’ آج تمہارے جھوٹ تارتار ہوگئے، اقتدار سے چمٹے رہنے کیلئے تم  نے خطرناک کھیل کھیلا، قومی سلامتی کمیٹی جیسے سنجیدہ فورم کو سازشی ڈرامے کیلئے استعمال کیا۔‘مریم نے مزید کہا کہ ’Absolutely Not کا جھوٹا نعرہ ان اڈوں کیلئے لگایا جو کبھی مانگے ہی نہیں گئے تھے،  این آر او کیلئے اسٹیبلشمنٹ کےترلے کیے، جھوٹ بولا کہ انہوں نے آپشن دیے تھے۔‘مریم نے کہا کہ ’ وقت آ گیا ہے تمہارے ایک ایک جھوٹ کا محاسبہ کیا جائے۔‘مریم نواز نے مطالبہ کیا کہ کرسی کی خاطر قومی سلامتی سے کھیلنے کی قابل مذمت کوششوں کا محاسبہ کیا جائے۔انہوں نے یہ بھی کہا کہ ’حوصلہ رکھو،  اب سامنا کرنا، ہمیشہ کی طرح بھاگ نہ جانا کیونکہ یہ قوم تمہیں اب بھاگنے نہیں دے گی!‘

بھارت کا روس سے سستا تیل خرید کر عوام کو ریلیف,عمران خان شہباز حکومت پر برس پڑے