غیر قانونی اقدام کشمیر کی حیثیت تبدیل نہیں کر سکتا: آرمی چیف جنرل قمر جاوید باجوہ
آرمی چیف جنرل قمر جاوید باجوہ نے کہا ہے کہ کشمیر پر کسی قسم کے سمجھوتے کا سوال ہی پیدا نہیں ہوتا، بھارتی جبر کے سامنے سیسہ پلائی دیوار کی طرح کھڑے ہیں، چاہے اس کیلئے ہمیں کوئی بھی قیمت ادا کرنی پڑے۔
آرمی چیف جنرل قمر جاوید باجوہ نے یومِ پاکستان اور یومِ یکجہتی کشمیر پر اپنے بیان میں کہا کہ 1947 میں کاغذ کے ایک غیرقانونی ٹکڑے سے کشمیر کی حقیقت نہیں بدلی جاسکتی۔ ان کا کہنا ہے کہ غیر قانونی اقدام کشمیر کی حیثیت تبدیل نہیں کر سکتا. پاکستان بھارت کے غاصبانہ عزائم کیخلاف کشمیریوں کے ساتھ ہے.جنرل قمر جاوید باجوہ نے کہا ہے کہ پاک فوج کو جموں و کشمیر کے تقدس کا بھرپور ادراک ہے. پاک فوج کشمیر کاز کیلئے قومی ذمہ داری نبھانے کیلئے تیار ہے۔