سپریم کورٹ نے بلوچستان میں ایمرجنسی اور گورنر راج کے نفاذ کا نوٹی فکیشن طلب کرلیا۔ لوگوں کے دلوں کی آواز سنیں ، لوگ اب آرمی کو بلانے کی بات کر رہے ہیں۔ چیف جسٹس
چیف جسٹس افتخارمحمد چودھری کی سربراہی میں سپریم کورٹ کے تین رکنی بنچ نے بلوچستان بدامنی کیس کی سماعت کی۔ عدالت نے بلوچستان میں ایمرجنسی اورگورنر راج کے نفاذ کا نوٹی فکیشن طلب کرلیا۔ایڈووکیٹ جنرل بلوچستان امان اللہ کنرانی نے عدالت کوبتایا کہ انہیں ابھی گورنر راج کے نفاذ کا نوٹیفکیشن نہیں ملا، چیف جسٹس نے ریمارکس دیے کہ ہم پہلے دن سے بلوچستان میں بنیادی حقوق کی بات کر رہے ہیں لیکن کسی کے جان و مال کو تحفظ نہیں۔ قانون نافذ کرنے والے ادارے ایک دوسرے پرذمہ داری ڈال رہے ہیں لیکن حالات جوں کے توں ہیں۔ بلوچستان حکومت کے وکیل شاہد احمد ٹریفک بند ہونے کے باعث پیش نہیں ہو سکے۔ سپریم کورٹ نے بلوچستان میں امن و امان کے لیے صدر کی طرف سے کیے گئے اقدامات کی رپورٹ طلب کرتے ہوئے سماعت انتیس جنوری تک ملتوی کردی۔
