آرمی چیف جنرل راحیل شریف کا ہیوی انڈسٹریز ٹیکسلا کا دورہ, آرمی چیف کو دفاعی اور کمرشل پیداوار پر بریفنگ دی گئی, ضرب عضب سمیت فیلڈ فارمیشن کی مدد پرایچ آئی ٹی کوسراہا
پاک فوج کے شعبہ تعلقات عامہ کے مطابق آرمی چیف جنرل راحیل شرف نے ہیوی انڈسیٹریز ٹیکسلا کا دورہ کیا جہاں انہیں دفاعی ، کمرشل ضرورت کے لیے تیار کی جانیوالی پیداوار پر تفصیلی بریفنگ دی گئی۔ ترجمان کے مطابق جنرل راحیل شریف کو سکیورٹی گاڑیوں، پروٹیکٹرز سے متعلق بریفنگ دی گئی جب کہ الخالد ٹینک اور اے پی سیز کی تیاری سے متعلق بھی بریف کیا گیا، آرمی چیف جنرل راحیل شریف نے الخالد ٹینک کی پیداوار اور صلاحیت کا مظاہرہ بھی دیکھا۔ آرمی چیف نے دفاعی ضروریات کے لیے عالمی معیار کے مطابق سامان کی تیاری کوسراہا جب کہ ضرب عضب سمیت فیلڈ فارمیشن کی مدد پرایچ آئی ٹی کی تعریف بھی کی۔ ترجمان کے مطابق یہ سازو سامان آپریشن ضرب عضب کے لیے بھی مددگار ہے۔
