وزیراعلیٰ پنجاب عثمان بزدار نے کہا ہے کہ کرپشن پاکستان کا سب سے بڑا المیہ ہے، کرپشن کرنے والے ملک و قوم کے مجرم ہیں، سابق ادوار میں سیاست کو کرپشن سے آلودہ کیا گیا۔اپنے ایک بیان میں عثمان بزدار نے کہا کہ ماضی میں بے دردی سے قومی وسائل کو لوٹا گیا، سیاست کو ذاتی کمائی کا ذریعہ بنانا عوام سے ظلم کے مترادف ہے۔انہوں نے کہا کہ کرپشن کے مضر اثرات سے پورا معاشرہ تباہ ہوتا ہے۔وزیر اعلی نے کہاکہ ماضی میں کرپشن نہ کی جاتی تو پاکستان کا شمارآج ترقی یافتہ ممالک میں ہوتا۔