معاون خصوصی وزیراعلیٰ پنجاب ڈاکٹر فردوس عاشق اعوان کا کہنا ہے کہ اسمبلیوں سے استعفے کی باتیں کرنے والوں نے استعفے تو نہ دئیے البتہ ان کی عقل استعفی دے چکی ہے۔ تفصیلات کے مطابق وزیراعلیٰ پنجاب کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر پیغام اپوزیشن جماعتوں کو تنقید کانشانہ بناتے ہوئے کہا کہ اقتدار کی ہوس میں اندھی " ٹوٹی فروٹی” کے رنگوں پر مشتمل " ٹوٹی پھوٹی پی ڈی ایم " مولانا فضل الرحمان کی قیادت میں جھوٹ، جھوٹ اور صرف جھوٹ کو آخری سہارا مانتے ہوئے ملک کے گلی کوچوں میں دربدر رسوائی سمیٹ رہی ہے۔ ان کا کہنا تھا کہ دنیا پاکستانی معیشت کی معترف جبکہ مولانا فضل الرحمان اور محمود خان اچکزئی افغانستان کے سحر سے نکل نہیں پارہے۔ معاون خصوصی نے مزید کہا کہ قومی سلامتی کے اداروں، دوست ممالک اور سی پیک سے متعلق منفی پروپیگنڈا شکست خوردہ پی ڈی ایم کی مسلسل ناکامیوں اور عوام کی جانب سے ان کو ملے زخموں کا نتیجہ ہے۔

نامعلوم افراد کی فائرنگ سے ایک شخص جاں بحق