شہبازشریف نواز شریف سے زیادہ کرپٹ ہیں،ہم لانگ مارچ میں رکاوٹ نہیں کریں گے: وزیرداخلہ شیخ رشید
اسلام آباد: وزیرداخلہ شیخ رشید کا کہنا ہے کہ شہبازشریف نوازشریف سے زیادہ کرپٹ ہیں، یہ مجھے ریکارڈ سے پتہ چلا ہے۔ اسلام آباد میں پریس کانفرنس کرتے ہوئے وزیر داخلہ شیخ رشید کا کہنا تھا کہ کل جو کچھ اپوزیشن کے ساتھ ہوا اب ان کو ہوش کے ناخن لینے چاہیے، اپوزیشن اندھی وہیل مچھلیاں ہیں، اندھی اپوزیشن دو دو لانگ مارچ کر رہے ہیں ایک مرتبہ ہی کرو تاکہ ٹوکرہ آپ پر رکھ دیا جائے، لانگ یا لونگ مارچ کریں کچھ بھی کریں، ہم لانگ مارچ میں رکاوٹ نہیں کریں گے، 23 مارچ کو او آئی ایس کے مہمان آ رہے ہیں، جے ٹین بھی فضائی مارچ کرے گا، 23مارچ کے احترام کو ملحوظ خاطر رکھا جائے یہ دفاعی اہمیت کا دن ہے۔شیخ رشید کا کہنا تھا کہ ملک کا معاشی و اقتصادی مسئلہ ہمیں جہیز میں ملا، آئی ایم ایف کے پاس پہلی مرتبہ نہیں 23 ویں مرتبہ جانا پڑا، کوئی آئی ایم ایف میں جانا پسند نہیں کرتا، چوروں ڈاکوؤں اور کم ظرفوں نے ملک کو اتنا لوٹا کہ بار بار آئی ایم ایف کے پاس جانا پڑا، دونوں جماعتوں نے جس طرح ملک لوٹا ہم اس کی سزا بھگت رہے ہیں، لوگ ان چوروں کو جیلوں میں دیکھنا چاہتے ہیں، ہم کوئی خوشی سے نہیں گئے بلکہ حالات کا تقاضہ اور مجبوری تھی، یہ آئی ایم ایف کے پاس جائیں تو حلا عمران جائے تو حرام ہے۔