پنجاب حکومت کی ترجمان مسرت جمشید چیمہ نے کہاہے کہ رات 10 بجے کے بعد پنجاب اسمبلی آئینی طور پر تحلیل ہو جائے گی۔ ایک بیان میں مسرت جمشید چیمہ نے کہا کہ پاکستان ڈیموکریٹک موومنٹ(پی ڈی ایم)الیکشن سے بھاگنے کی بجائے پاکستان تحریک انصاف کا مقابلہ کرے۔ انہوں نے کہا کہ پی ڈی ایم کراچی بلدیاتی انتخابات سے بھاگنے کے لیے کوشش کر رہی ہے۔ مسرت جمشید چیمہ کا کہنا ہے کہ حلقہ بندیوں کا نوٹیفکیشن اور اس کے بعد تھریٹ الرٹ آ جاتا ہے، الیکشن کمیشن بھی فوراً ان کے خط پر اجلاس بلا لیتا ہے۔ ترجمان پنجاب حکومت کا یہ بھی کہنا ہے کہ مسلم لیگ ن کے رہنمائوں کو سمجھ نہیں آ رہی کہ کس دیوار میں اپنا سر ماریں۔

پاکستان میں رمضان المبارک کا چاند نظر آگیا، پہلا روزہ کل جمعرات کو ہوگا