ہاتھ جوڑ کر کہتے ہیں اپوزیشن کورونا پرسیاست نہ کرے: شبلی فراز
اسلام آباد: ایوان بالا یعنی سینیٹ میں کورونا وائرس اور اس کے متعلق اٹھائے جانے والے اقدامات پر بحث ہوئی جس میں حکومت اور اپوزیشن ارکین نے اپنے خیالات کا اظہار کیا۔
وزیر اطلاعات شبلی فراز نے کہا ہے کہ اپوزیشن سے ہاتھ جوڑ کر کہتا ہوں کورونا پر سیاست نہ کریں۔ حکومت نے ہر صوبے کو سپورٹ کیا ہے اور کسی سے امتیازی سلوک نہیں کیا۔ سندھ کو اکتیس ارب روپے سے زیادہ کے وسائل دیئے۔انہوں نے کہا کہ حکومت تمام دستیاب وسائل بروئے کار لا کر مسائلے پر قابو پانے کی کوشش کر رہے ہیں ۔لیکن اپوزیشن کے پاس کوئی کووڈ پلان ہے تو وہ بھی بتائے۔ان کا کہنا تھا کہ پاکستان کی جی ڈی پی تین سو ارب ڈالر ہے۔ وزیراعظم ایک فلاحی مائنڈ سیٹ رکھتے ہیں اور مالی حالات کم ہونے کے باوجود 1.2 کھرب کا اکنامک پیکیج دیا ہے۔