عمران نیازی کو خبردار کرتا ہوں کہ آپ کیخلاف باقاعدہ ثبوت موجود ہیں، جب قانون حرکت میں آئیگا تو چھپنے کی جگہ نہیں ملے گی:حمزہ شہباز عمران نیازی آئین اورعدالتی فیصلوں کو نہیں مانتے، اداروں کامذاق اڑاتے ہیں، عمران نیازی کی غلط فہمی ہے کہ وہ ہم پر دباؤ ڈال سکے گا ہم اللہ کے احکامات کا پریشر لیتے ہیں یا عوام کا،مسلم لیگ(ن) آپ کی طرح انتقام نہیں لے گی، آپکو قانون کا احترام کاسبق سکھائیں گے میں جمہوریت پسند ہوں، جیلیں کاٹیں، عمران نیازی ہم تمہیں آئین اور قانون کے ساتھ کھلواڑ نہیں کرنے دیں گے،میڈیا سے گفتگو سابق حکومت نے ہمارے صاف پنجاب کا برا حال کرکے چھوڑا، چھوٹے شہر اور قصبے سے لے کر بڑے شہر صاف ستھرے نظر آنے چاہئیں، ویسٹ مینجمنٹ کمپنیاں ڈلیور کرکے دکھائیں صفائی پر کمپرومائز نہیں ہوگا، مستقل صفائی کیلئے فول پروف میکانزم وضع کیا جائے، عملے اور موجودہ وسائل کو استعمال میں لایا جائے،وزیراعلیٰ کی زیرصدارت اجلاس وزیراعلیٰ حمزہ شہباز سے ایم پی اے منشاء اللہ بٹ کی ملاقات،سیالکوٹ اور ٹریفک مسائل کے حل اور صفائی انتظامات کو بہتر بنانے کا حکم،شہاب پورہ اوورہیڈ برج کو جلد مکمل کیا جائے لاہور14مئی:وزیراعلیٰ پنجاب حمزہ شہباز نے کہاہے کہ عمران نیازی کی غلط فہمی ہے کہ وہ ہم پر دباؤ ڈال سکے گا-ہم یا تو اللہ کے احکامات کا پریشر لیتے ہیں یا عوام کاپریشر لیتے ہیں۔ عمران نیازی آئین کو نہیں مانتے، عدالتی فیصلوں کو نہیں مانتے، اداروں کامذاق اڑاتے ہیں،میں خبردار کرتا ہوں کہعمران نیازی آپ کے خلاف باقاعدہ ثبوت موجود ہیں،جب قانون حرکت میں آئے گا تو چھپنے کی جگہ نہیں ملے گی- قانون کو حرکت میں لاکرآپ کو قانون کا احترام کاسبق سکھائیں گے-مسلم لیگ(ن) آپ کی طرح انتقام نہیں لے گی-وہ آ ج عدالت پیشی کے بعد میڈیا سے گفتگو کررہے تھے-وزیراعلیٰ حمزہ شہبازشریف نے کہاکہ عمران نیازی آپ نے اپوزیشن کو ناحق جھوٹے مقدموں میں ڈالا۔ پھر میں کہتاہوں ہم انتقام نہیں لیں گے لیکن جب قانون حرکت میں آئے گا تو تمہیں چھپنے کی جگہ نہیں ملے گی۔ایک سوال کے جواب میں انہوں نے کہاکہ لوڈشیڈنگ کو ہم پوری طرح کنٹرول کرنے کی کوشش کررہے ہیں۔ یہ وہ لوڈشیڈنگ کا جن ہے جس کو ہم نے بوتل میں بند کردیا تھا اس حکومت کی چارسال کی نااہلیاں سامنے آرہی ہیں۔ ہم دن رات ایک کریں گے اورانشاء اللہ لوڈشیڈنگ اورمہنگائی کو ختم کریں گے کیونکہ ہم صرف عوام کی خدمت کی نیت سے آئے ہیں۔سیالکوٹ میں مسیحی برادری کی گراؤنڈ پر پی ٹی آئی کے جلسے کے بارے میں پوچھے گئے سوال کے جواب میں وزیراعلیٰ حمزہ شہباز نے کہاکہ میں آج پنجاب کی عوام کو بالخصوص یہ بتانا چاہتاہوں کہ ہماری انتظامیہ نے تین گھنٹے رات کوان کے ساتھ مذاکرات کیے کیونکہ مسیحی برادری کے تحفظات ہیں کہ جس جگہ پر جلسہ ہورہاہے وہ نجی جگہ ہے- انتظامیہ نے پی ٹی آئی کو کہاکہ آپ کسی اور جگہ جلسہ کرلیں ہم اجاز ت دے دیتے ہیں جس ہٹ دھرمی سے انہو ں نے اسلام آ باد کی جانب لانگ مارچ کیا اوردھرنا دیا،یہی ہٹ دھرمی سیالکوٹ میں نظر آئی-عمران نیازی خون خرابا چاہتے ہیں اور شیخ رشید خونی مارچ کی بات کرچکے ہیں - وزیراعلیٰ نے کہاکہ میں جمہوریت پسند ہوں، میں نے جیلیں کاٹی ہیں، میری پارٹی قیادت نے جیلیں کاٹی ہیں لیکن عمران نیازی ہم تمہیں آئین اور قانون کے ساتھ کھلواڑ نہیں کرنے دیں گے اور قانون کے ساتھ کھیلنے کی اجازت نہیں ملے گی۔ سیالکوٹ میں کہیں اور جلسہ کرلیں کیونکہ آپ کے اس اقدام سے مسیحی برادری ناراض ہے او ر ان کے جذبات اشتعال کا شکارہیں،اگر خدانخواستہ کوئی افسوسناک واقعہ ہوگیا تو ذمہ دارکون ہوگا۔ وزیراعلیٰ حمزہ شہباز نے کہاکہ پاکستان آج دوراہے پر کھڑا ہے، ملک کیلئے لاکھوں لوگوں نے قربانیاں دی ہیں ان کی روحیں ہم سب سے تقاضا کررہی ہیں کہ سب کو ہوش کے ناخن لینا ہوں گے-اس ملک کو بچانا ہوگا، معیشت وینٹی لیٹر پر ہے اورمعیشت دباؤ کا شکار ہے او ریہ سب عمران نیازی کی نااہلی کا کیا دھرا ہے- عمران نیاز ی کی بدتمیزی اوربداخلاقی نے قوم میں ا نتشار پیدا کردیاہے،موجودہ حالات میں تمام سیاسی جماعتوں کو ذمہ داری کا مظاہرہ کرناہوگا۔پاکستان کے تمام ادارے قابل احترام ہیں اورپاک فوج پاکستان کی سلامتی کی ضامن ہے،وزیراعلیٰ نے کہاکہ میں نے بدترین انتقام کا سامنا کیا ہے۔انہوں نے کہاکہ لندن میں ملک و قوم کے لئے اچھے فیصلے ہو رہے ہیں،میں نے کمر کس لی ہے -میں خود ہر جگہ جاؤں گا اور مہنگائی کے خلاف جہاد کریں گے اور عام آدمی کو ہر ممکن ریلیف دینے کی کوشش کریں گے-انہوں نے کہا عمران نیازی کے جھوٹ ختم ہونے کا وقت آ گیا ہے -

بھارت کا روس سے سستا تیل خرید کر عوام کو ریلیف,عمران خان شہباز حکومت پر برس پڑے