وزیر اطلاعات مریم اورنگزیب نے سابق وزیراعظم عمران خان کے بیان کو اعتراف جرم قرار دیتے ہوئے کہا ہے کہ فارن فنڈنگ کی طرح فارن ایجنٹ اور اس کا ایجنڈا بھی پوری طرح بے نقاب ہوچکا ہے۔ مریم اورنگزیب نے اپنے بیان میں کہا ہے کہ حملوں، دہشتگردی، بلوائی کا بالکل ویسے ہی نہیں پتہ تھا جیسے تمہیں عدت میں شادی کا نہیں پتہ، حساس تنصیبات، ایمبولینس، اسکول اور اسپتال پر حملےتمہاری منصوبہ بندی ہیں۔ شہدا اور غازیوں کی یادگاروں کی بے حرمتی کے پیچھے بھی تم اور تمہاری منصوبہ بندی شامل ہے۔ وزیر اطلاعات ونشریات نے عمران خان نے بار بار کہا کہ میں گرفتار ہوا تو حملہ کرنا ہے اور جس کی سوچی سمجھی منصوبہ بندی تم نے کی۔ پاکستان کے سب سے بڑے دہشتگرد ہی ملک پر حملہ آور ہوتے ہیں جس کے تم ماسٹر مائنڈ ہو، یہ آرمی چیف اور ڈی جی آئی ایس پی آر کا نام اس لیے لے رہا ہے وہ فارن ایجنٹ سے بند کمرے میں نہیں مل رہے۔ ان کا کہنا تھا کہ ایوان صدر میں کوئی خفیہ ملاقات نہیں ہو رہی اس لیے آرمی چیف اور ڈی جی آئی ایس پی آر کو پکارا جا رہا ہے۔ فارن فنڈنگ کی طرح فارن ایجنٹ اور اس کا ایجنڈا بھی پوری طرح بے نقاب ہو چکا ہے۔ ڈی جی آئی ایس پی آر کو مشورہ دینے سے پہلے اپنی جماعت کا نام پاکستان تحریک دہشت گردی رکھ دیں۔ مریم اورنگزیب کا کہنا تھا کہ میری گھڑی میری مرضی نہیں بلکہ یہ قوم کا 60 ارب ہے جس میں میری مرضی نہیں چلے گی۔ تم اور تمہاری بیوی نے القادر ٹرسٹ میں 458 اور 254 کنال زمین ہڑپ کی، برطانیہ سے 190 ملین پاؤنڈ سپریم کورٹ کیوں گیا؟ وفاقی وزیر نے کہا کہ فارن ایجنٹ تمہاری ملک دشمنی، دہشت گردی اور مسلح جتھے ملک کے خلاف کھل کر سامنے آ گئی ہے اور سب بے نقاب ہوگیا ہے۔

گھی اور تیل کی قیمتوں میں کمی ریکارڈ