پٹرول اور ڈیزل کی قیمتوں میں بڑی کمی کا امکان

اگلے پندرہ دن کے لئے پٹرول اور ڈیزل کی قیمتوں میں  3.5 اور 7 روپے فی لٹر کی کمی کا امکان ہے تاہم یہ ریلیف ٹیکس کی غیر تبدیل شدہ شرحوں سے مشروط ہے۔ موجودہ ٹیکس کی شرحوں کی بنیاد پر 15 مئی کو ہونے والے حتمی حساب سے پیٹرول کی ایکس ڈپو قیمت میں تقریبا 3.5 روپے کی کمی کا تخمینہ لگایا گیا ہے، جبکہ ہائی سپیڈ ڈیزل(ایچ ایس ڈی)میں 7 روپے فی لٹرکمی کی جاسکتی ہے۔پٹرول کی قیمت میں کمی کا تخمینہ پچھلے دو ہفتوں کے دوران پٹرول کی بین الاقوامی قیمت میں تقریباً 1.5 ڈالر فی بیرل اور ڈیزل میں تقریبا 3 ڈالر فی بیرل کمی سے لگایا گیا ۔ایکس ڈپو پیٹرول کی موجودہ قیمت 252.63 روپے فی لٹر ہے۔ پٹرول زیادہ تر نجی ٹرانسپورٹ، چھوٹی گاڑیوں، رکشوں اور دو پہیوں والی سواری میں استعمال ہوتا ہے اور اس کا براہ راست اثر متوسط اور نچلے متوسط طبقے کے بجٹ پر پڑتا ہے۔ہائی سپیڈ ڈیزل کی موجودہ ایکس ڈپو قیمت 256.64 روپے فی لٹر ہے۔