شام 'حلب پر روسی اورشامی جنگی طیاروں کی دوبارہ بمباری،150افراد ہلاک
شام کے تباہ شدہ شہر حلب کے مشرقی حصے پر روس اورشامی حکومت کے جنگی طیاروں نے دوبارہ بمباری شروع کر دی ہے۔ تازہ بمباری سے 150سے زائد انسان لقمہ اجل بن گئے ہیں۔انسانی امداد فراہم کرنے والے اداروں کے مطابق منگل سے شروع ہونے والی بمباری کا سلسلہ وقفے وقفے سے جاری ہے۔ فضائی حملے حلب کے جن علاقوں پر کیے گئے، ان میں الکلسیہ، بستان القصر اور الصخور شامل ہیں۔ اس طرح حلب کا شہر دو حصوں میں تقسیم ہو چکا ہے۔ ایک حصے پر حکومتی فوج کو کنٹرول حاصل ہے اور مشرقی حصہ باغیوں کی قبضے میں ہے۔ مشرقی حلب میں تقریبا ڈھائی لاکھ افراد محصور ہو کر رہ رہے ہیں۔ بمباری سے زیادہ تر سویلین ہلاک ہو رہے ہیں کیونکہ ان کے پاس زندگی بچانے کا کوئی ذریعہ موجود نہیں ہے۔ اسی دوران شام کے صدر بشار الاسد کی فوج دو جانب سے مشرقی حصے پر قبضے کے لیے آگے بڑھ رہی ہے
