بیرون ملک ملازمت کا جھانسہ دینے والی خاتون گرفتار
کراچی کے شہریوں کو بیرون ملک ملازمت کا جھانسہ دینے والی خاتون بیرون ملک سے واپسی پر ایف آئی اے کے ہاتھوں دھر لی گئی، ملزمہ 3 شہریوں سے 20لاکھ روپے کا فراڈ کر کے دبئی فرار ہوگئی تھی۔ایف آئی اے حکام کے مطابق کراچی میں لوگوں کو بیرون ملک ملازمت کا جھانسہ دینے والی فراڈ خاتون پکڑی گئی، کراچی کی رہائشی خاتون ، آسٹریلیا اور دبئی میں ملازمت کا جھانسہ دے کر تین شہریوں سے بیس لاکھ روپے بٹورنے کے بعد دبئی فرار ہوگئی تھی۔ایف آئی اے نے ملزمہ کا نام واچ لسٹ پر ڈال رکھا تھا۔ ملزمہ گرفتاری سے بچنے کے لیے دبئی سے کراچی کے بجائے لاہور پہنچی تاہم امیگریشن سسٹم پر نام ہونے کے باعث پکڑی گئی۔ ملزمہ کو کراچی منتقل کرکے اس کیخلاف ایف ا?ئی اے اینٹی ہیومن ٹریفکنگ سیل میں مقدمہ درج کرلیا گیا۔ایف آئی اے اسٹیٹ بنک سرکل نے عزیز آباد میں ایک اور کارروائی کی جس میں 4 لاکھ ساڑھے 35ہزار یوروز، 9 لاکھ 62ہزار اماراتی درہم اور ساڑھے تین لاکھ روپے برآمد کرلیے۔اس کارروائی کے دوران 4 ملزمان کو گرفتار بھی کیا گیا ، ایف ا?ئی اے حکام کے مطابق کارروائی خفیہ اطلاع پر کی گئی، ملزمان کھیپیوں کے ذریعے بیرون ملک کرنسی اسمگلنگ کرواتے ہیں۔گرفتار ملزمان میں سے تین کرنسی اسمگلر اور ایک کھیپیا ہے، ملزمان کے خلاف اسٹیٹ بنک سرکل میں مقدمہ درج کر لیا گیا ہے
