امریکہ میں سمندری طوفان فلورنس کے باعث 17لاکھ افراد کو محفوظ مقامات کی جانب منتقل کردیا گیا
’فلورنس‘ نامی سمندری طوفان کے پیش نظر ورجینیا، میری لینڈ، شمالی و جنوبی کیرولینا کے بعد ریاست جارجیا میں بھی ایمرجنسی نافذ کردی گئی،،،17 لاکھ افراد کو متاثرہ علاقوں سے محفوظ مقام پر منتقل کردیا گیا ہے جبکہ ماہی گیروں کے سمندر میں جانے پر پابندی بھی لگادی گئی ہے،،،امریکی محکمہ موسمیات کے مطابق سمندری طوفان کیٹیگری 5 سے کیٹیگری 2 میں منتقل ہوگیا ہے، جس کے نتیجے میں کئی ہفتوں تک مسلسل بارشوں کے باعث سیلاب کی صورتحال پیدا ہو سکتی ہے، اس کے علاوہ 7 لاکھ 60 ہزار املاک کے مکمل طور پر تباہ ہونے کا خطرہ بھی موجود ہے،،،مقامی انتظامیہ نے طوفان کی وجہ سے تباہی کی صورت میں 30 ارب ڈالرز کے نقصان کا اندیشہ ظاہر کیاہے، دوسری جانب ریسکیو آپریشن کے لیے فوج کو بھی الرٹ کر دیا گیا ہے۔
