اقوام متحدہ میں امریکی مندوب نکی ہیلی نے واشنگٹن اور تل ابیب کے خلاف انسانی حقوق کمشنر کے موقف پر شدید برہمی کا اظہار کیا ہے۔ اپنے ایک بیان میں نکی ہیلی نے انسانی حقوق کی ہائی کشمنر میشل بیشلٹ کے بیان کو جانبدارانہ قرار دیا ہے۔اقوام متحدہ کی ہائی کمشنر کے بیان پر برہمی کا اظہار کرتے ہوئے امریکی مندوب نے دعوی کیا کہ میشل بیشلیٹ بھی اپنے پیشروﺅں کی طرح امریکا اور اسرائیل مخالف پالیسی پر عمل پیرا ہیں۔نکی ہیلی نے کہا کہ امریکا نے اسی وجہ سے جون 2018 ءمیں اقوام متحدہ کی انسانی حقوق کونسل سے علیحدگی اختیار کر لی تھی مگر یہ سلسلہ بند نہیں ہوا۔خیال رہے کہ اقوام متحدہ کے انسانی حقوق کی ہائی کمشنر میشل بیشلیٹ نے عالمی عہدہ سنبھالنے کے بعد جاری کیے جانے والے اپنے پہلے بیان میں امریکا کی امیگریشن پالیسیوں اور فلسطینیوں کے خلاف اسرائیلی حکومت کے مجرمانہ اقدامات کو انسانی حقوق کی کھلی خلاف ورزی قرار دیا ہے۔