سیالکوٹ ورکنگ باؤنڈری لائن کے ظفر وال سیکٹر میں بھارتی سکیورٹی فورسز کی بلااشتعال فائرنگ ۔
سیالکوٹ ورکنگ باؤنڈری لائن کے ظفر وال سیکٹر میںصبح سوا نو بجے بھارتی فورسز نے بلااشتعال فائرنگ شروع کردی جو پندرہ منٹ تک جاری رہی۔ چناب رینجرز کی بھر پورجوابی کارروائی کے بعد فائرنگ کا سلسلہ رک گیا۔ دوطرفہ فائرنگ میں کسی جانی نقصان کی اطلاع نہیں ملی تاہم علاقے میں خوف ہراس پھیل گیا ، رینجرز حکام نے فائرنگ پر شدید احتجاج کرتے ہوئے فلیگ میٹنگ بلانے کا مطالبہ کیا ہے۔ رواں برس اب تک بھارت کی جانب سے بلااشتعال فائرنگ کا یہ آٹھواں واقعہ ہے۔