مشیر پارلیمانی امور بابر اعوان نے کہا ہے کہ احتساب کے دروازے پر تالا لگا کر چابی کسی اور کے حوالے نہیں کرسکتے، کسی بھی فورم پر این آر او نہیں دیا جائے گا، دو ایشوز نوگو ایریا ہیں جہاں وہ نہیں جاسکتے۔سینیٹ اجلاس میں اظہار خیال کرتے ہوئے بابر اعوان نے کہا کہ پارلیمنٹ کوئی ججمنٹ پاس نہیں کرسکتی، پبلک اکائونٹس کمیٹی تحقیقات کرسکتی ہے، گزشہ 10 سال میں نیب قانون میں کوئی ترمیم نہیں ہوئی، ہر مسئلے پر اصلاحات کرنے کو تیار ہیں۔ انہوں نے کہا کہ پبلک اکائونٹس کمیٹی کو تحقیقات کا اختیار ہے، پارلیمنٹ کو اختیار ہے کسی کو بھی طلب کرے، ریکارڈ منگوائے، پی اے سی سرکاری اکائونٹ کو چیک کرے گی، پاکستان میں ادارے کبھی چلنے نہیں دیئے گئے۔

ضابطہ اخلاق کی خلاف ورزی: ڈپٹی اسپیکر قاسم سوری پر جرمانہ