امریکہ اسرائیل سازشوں کامقابلہ کرنے کیلئے اسلامی کمیٹی قائم کی جائے۔ اسماعیل ہانیہ
حماس کی سیاسی بیورو کے سربراہ اسماعیل ہانیہ نے کہا ہے کہ عرب اور اسلامی دنیا کے علما سے ایک اعلیٰ کوآرڈینیٹنگ کمیٹی کی تشکیل دی جائے جو صہیونی سازشوں اور امریکہ کی صدی کی ڈیل کے خلاف فلسطینی مقاصد کی تائید کے لئے ایک اسٹریٹجک منصوبہ تیار کرنے اور اس پر عمل درآمد کروائے۔ انہوں نے مقبوضہ بیت المقدس اور مسجد اقصی کی حمایت کے لئے مسلم قوم کے علما کے آن لائن منعقد ہونے والے بین الاقوامی اجلاس میں شرکت کے دوران گفتگو کرتے ہوئے کہی ۔ انہوں نے خطے میں فرقہ وارانہ اور نسلی فسادات کے خاتمے اور امت مسلمہ کے اتحاد کی بحالی پر کام کرنے کے لئے اسکالرز کی ایک کہکشاںکو کام کرنے کا مطالبہ کیا تاکہ وہ فلسطینی اور پورے عرب خطے مقاصد کو نشانہ بنانے والے اسرائیلی و امریکی سازشوں کا مقابلہ کریں۔ انہوں نے کہا کہ مقبوضہ بیت المقدس اور فلسطین کا مسئلہ امت ، اس کے علمائے کرام ، عوام ، دانشوروں اور سیاست دانوں کے لئے یکجا ہونے کا سبب ہے۔انہوں نے بیت المقدس اور فلسطین کو لاحق خطرات کے بارے میں متنبہ کیا اور اس خطرے کا مقابلہ کرنے کے لئے تیزی سے حکمت عملی تلاش کرنے کی ضرورت پر زور دیا۔