تیز رفتار گاڑیوں کی رفتار سُست کرنے کا انوکھا طریقہ
کاروں کی تیز رفتاری ایک عمومی مسئلہ ہے مگرآئیس لینڈ میں ایک کمپنی نے اس مسئلے کا انوکھا حل نکالا ہے۔ کمپنی نے فلوٹنگ لین پر ڈرائیونگ کو سست کرنے کے متبادل طریقے بنانے کے لیے ایک اسکیم ڈیزائن کی کیونکہ اسپیڈ بمپس سے کچھ ڈرائیوروں کو تکلیف ہوتی ہے اور فضائی آلودگی میں اضافہ ہوتا ہے کیونکہ کاروں کوسست اور رفتار بڑھانا پڑتی ہے۔ میش ایبل ٹویٹر اکاؤنٹ پر پوسٹ کی گئی ویڈیو میں دکھایا گیا ہے کہ جب کاریں ’تھری ڈی‘ ڈرائیو وے کے قریب آتی ہیں توایسا لگتا ہے جیسے یہ پاپ اپ ہو جاتی ہے اور ایک ایسی رکاوٹ بن جاتی ہے جسے آپ کی کار عبور نہیں کر سکتی۔ تاہم کچھ صارفین نے اس وہم کے خطرات کی نشاندہی کرنے میں جلدی کی۔ ایک صارف اسے "پریشان کُن" اور "الجھن " پر مبنی قرار دیا۔ دوسروں نے نشاندہی کی کہ یہ ڈرائیوروں پر کس قدر طاقتور اثر انداز ہوتا ہے اگر وہ سوچتے ہیں کہ وہ ایک حقیقی رکاوٹ میں داخل ہونے والے ہیں جس سے بہت زیادہ نقصان ہو سکتا ہے۔کچھ نے تو یہاں تک کہہ دیا ہے کہ کراسنگ صرف پہلی بار ڈرائیوروں کو سست کر دے گی۔ پھراُنہیں معلوم ہو جائے گا کہ یہ ایک وہم ہے۔