موصل میں عراقی افواج نے کئی دیگرعلاقوں کو آزاد کرا لیا گیا۔
عراقی افواج نے موصل میں اپنی کامیابیوں کا سلسلہ جاری رکھتے ہوئے نینوا ریلوے اسٹیشن، سیمنٹ کا کارخانہ اور مغربی موصل کے کئی دیگر علاقوں کو آزاد کرا لیا۔عراق کی فیڈرل پولیس کے سربراہ رائد جودت نے کہا ہے کہ عراق کی فیڈرل پولیس نے نینوا ریلوے اسٹیشن کو داعش کے قبضے سے آزاد کرا لیا اور موصل کے مغربی علاقے باب الطوب کی جانب اس کی پیشقدمی جاری ہے۔ عراقی افواج نے موصل کے جنوب مشرقی علاقے باب الطوب میں سیمنٹ کا کارخانہ بھی آزاد کرا لیا۔اطلاعات ہیں کہ عراقی افواج نے موصل شہر کے مغربی علاقے میں تیل کے علاقوں اور موصل جدید کو بھی داعش کے وجود سے پاک کر دیا۔اس درمیان عراق کی عوامی رضاکار فورس الحشد الشعبی نے ایک ویڈیو جاری کیا ہے جس میں دکھایا گیا ہے کہ عکیدات کے علاقے میں عراقی پولیس اور دہشت گردوں کے درمیان گھمسان کی جنگ ہو رہی ہے- عراقی افواج اب تک مغربی موصل کے چالیس فیصد علاقوں کو آزاد کرا چکی ہیں۔