وزیراعظم پاکستان عمران خان نے 19 مارچ کو وفاقی کابینہ کا اجلاس طلب کر لیا
اسلام آباد: وزیراعظم پاکستان عمران خان نے 19 مارچ کو وفاقی کابینہ کا اجلاس طلب کر لیا ہے۔ اجلاس کا ایجنڈا 30 نکات پر مشتمل ہوگا۔وزیراعظم کی زیرصدارت طلب کیے گئے اجلاس میں ریوینو ڈویژن ایف بی آر میں اصلاحات کے مجوزہ پلان پر کابینہ کو بریفنگ دے گا۔ وفاقی کابینہ قومی زرعی ایمرجنسی پروگرام میں ہونے والی پیشرفت پرغور کرے گی۔متروکہ وقف املاک بورڈ کے چیئرمین اور وفاقی کابینہ پبلک سیکٹر انٹرپرائزز کے سربراہان کے تقرری بھی زیرغور آئے گی۔متروکہ وقف املاک بورڈ پر ٹاسک فورس کا قیام بھی کابینہ ایجنڈے میں شامل ہے۔ وفاقی کابینہ کی جانب سے “انٹرٹینمنٹ اور گفٹ” کے لئے بجٹ ختم کرنے کی منظوری بھی ایجنڈے کا حصہ ہے۔
