بدلتے ہوئے خطرات سے نمٹنے کیلئے خود کو تیار رکھا جائے : آرمی چیف

آرمی چیف جنرل قمر جاوید باجوہ نے کہا ہے کہ اعلی معیار اور تربیت ہر قسم کے چیلنج سے نمٹنے کے لیے موثر ہے۔بدلتے ہوئے خطرات سے نمٹنے کیلئے خود کو تیار رکھا جائے .آئی ایس پی آر کے مطابق آرمی چیف جنرل قمر جاوید باجوہ نے لاہور کور کے فیلڈ ایریا کا دورہ کیا۔ آرمی چیف کو فارمیشن کی آپریشنل تیاریوں پر بریفنگ دی گئی۔آئی ایس پی آر کے مطابق آرمی چیف نے چھوٹے ہتھیاروں سے فائرنگ کا مشاہدہ کیا۔ آرمی چیف نے جوانوں کی پیشہ ورانہ صلا حیتوں اور تربیت  کو سراہا۔ آرمی چیف نے کہا افسران اور جوان پیشہ ورانہ صلاحیتیں بہتر بنانے پر توجہ مرکوز رکھیں۔ بدلتے ہوئے خطرات سے نمٹنے کے لیے بھی خود کو تیار رکھیں۔ اعلی معیار اور تربیت ہر قسم کے چیلنج سے نمٹنے کے لیے موثر ہے۔اس موقع پر کور کمانڈر لاہور لیفٹیننٹ جنرل محمد عبد العزیز بھی آرمی چیف کے ہمراہ تھے۔