اسرائیلی فوج نے مقبوضہ بیت المقدس میں مختلف کارروائیاں کرتے ہوئے 26 فلسطینی شہریوں کو حراست میں لے لیا ۔ قابض فوج نے تلاشی کی کارروائیوں کے دوران گھروں میں گھس کر توڑپھوڑ، لوٹ مار اور فلسطینیوں کو زدو کوب کیا۔اسرائیلی فوج کی طرف سے جاری ایک بیان میں کہا گیا کہ سکیورٹی فورسز نے غرب اردن میں تلاشی کے دوران متعدد فلسطینیوں کو حراست میں لیا گیا۔ ان میں اسرائیلی فوج کو یہودی آباد کاروں پرحملوں میں مطلوب فلسطینی شامل ہیں۔غرب اردن کے جنوبی شہر الخلیل میں اسرائیلی فوج نے تلاشی کے دوران عبداللہ محمد العواودہ، شاہر غازی الشرحہ، مراد محمود حربیات، محمد ماجد حربیاتم حسین عبدالقادر، ابو ھاشم شوامرہ، ان کا بیٹا اسماعیل، اور دیگر کو دورا، دیر سامت، کریسہ، دیر الدرویش، الفوقا، دیر العسل اور جنوب مغربی الخلیل سے حراست میں لیا گیا۔الخلیل شہر میں تلاشی کے دوران چار بچوں کے والد حجازی علی الجدع الواقسمہ جن میں سے ایک گیارہ سالہ بچہ کینسر کا مریض ہے کو بھی حراست میں لے لیا۔رملہ میں البیرہ کے مقام پر تلاشی کے دوران اسرائیلی فوج نے حمدی رمانہ، قسام عابد، مجدی محمد الشیخ، کو حرات میں لے لیا اور ان کے گھروں سے ایک لاکھ شیکل کی رقم بھی لوٹ لی گئی۔رملہ کے شمال میں کفر عین کے م قام پرتلاشی کے دوران 19 سالہ احمد خلیل ابو خرمہ کو گرفتار کیا۔نابلس سے دو فلسطینیوں قصورہ عسعوس اور حکم منصور کی گرفتاری عمل میں لائی گئی۔شمالی شہر سلفیت سے صہیب شقور، عبدالقادر شقور اور عمید شقورکو گرتار کیا گیا۔جنین سے عبدالکریم ابو فرحہ کو گرفتار کیا گیا۔ بیت لحم سے اسماعیل العرج کی گرفتاری عمل میں لائی گئی۔

حکومت آئین پر حملہ آور، چیف جسٹس اور عدلیہ کا ساتھ دیں گے، شاہ محمود قریشی