ای وی ایم سے ووٹر کی رازداری نہیں رہے گی۔شیری رحمان
پاکستان پیپلز پارٹی کی رہنما شیری رحمان نے کہا ہے کہ ای وی ایم سے ووٹر کی رازداری نہیں رہے گی۔ انہوں نے میڈیا سے گفتگو کرتے ہوئے کہا کہ آج جمہوریت کا عالمی دن ہے، حکو مت جمہوریت کے عالمی دن پر بیانات دے رہی ہے مگر جمہوری روایات سے تصادم کی راہ پر ہے، ملک پر ایسی ووٹنگ مشینری تسلط کی جا رہی ہے جس کی دنیا کے دیگر ممالک اور الیکشن کمیشن نے مخالفت کی، ہمیں الیکشن پر ہمیشہ تحفظات رہے مگر آئینی اداروں کو متنازعہ نہیں کیا، یہ چاہتے ہیں لیول پلئینگ فیلڈنہ ہو، الیکشن کمیشن انتخابات کا ایک کلیدی اسٹیک ہولڈر ہے۔
