پیپلز ڈیموکریٹک پارٹی(پی ڈی پی)کی صدر محبوبہ مفتی نے کہا ہے کہ جس ترقی کے نام پر دفعہ 370  ختم کیا گیا اس ترقی کا کہیں کوئی نشان نظر نہیں آرہا۔ محبوبہ مفتی نے ضلع پوچھ کی تحصیل سرنکوٹ میں پارٹی کارکنوں کے ایک اجلاس سے اپنی تقریر کے دوران کہا کہ جس ترقی کے نام پر دفعہ 370 ہٹائی گئی تھی اس ترقی کا کہیں کوئی نشان نظر نہیں آرہا ۔ انہوں نے کہا کہ جموں و کشمیر کا تشخص بحال ہونا چاہیے۔ انہوں نے کہا کہ جموں و کشمیر کے لوگوں کو ان کی ہی زمینوں سے نکالا جارہا ہے اور یہاں ہر قسم کی افراتفری ہے۔محبوبہ مفتی کا کہنا تھا کہ جموں و کشمیر میں باہر کے لوگ کام کرنے کے لئے آرہے ہیںجس کے سبب یہاں کے لوگ بیروزگار ہوئے ہیں۔انہوں نے کہا کہ کسان قریبا ایک برس سے زائد عرصے سے سراپا احتجاج ہیں لیکن کوئی ان کی بات نہیں سن رہا ۔ خبر رساں ادارے ساتھ ایشین وائر  کی ایک خبر کے مطابق محبوبہ مفتی نے مزید کہا کہ جموں وکشمیر میں ترقی کا کوئی نشان ہی نہیں ہے۔انہوں نے کہا کہ بھارتی حکومت نے ترقی کے بہانے کی آڑ میں دفعہ 370 اور 35A کو منسوخ کیا لیکن جموں و کشمیر میں کہیں کوئی ترقی نظر نہیں آرہی ۔

الیکشن کے علاوہ مسائل کا کوئی حل نہیں، مریم نواز