موٹروے پر ٹریفک حادثہ، صدر مملکت، وزیراعظم و دیگر کا اظہار افسوس
وزیراعظم محمد شہباز شریف نے جلال پور پیر والا انٹر چینج پر ہونے والےآئل ٹینکر کے حادثے پر افسوس کااظہارکرتے ہوئے قیمتی انسانی جانوں کے ضیاع پر گہر ے دکھ کااظہار کیا ہے۔ منگل کو اپنے ٹویٹ میں وزیراعظم نے کہا کہ وہ حادثے میں 20 قیمتی جانوں کے ضیاع پر دکھی اور رنجیدہ ہیں، میری دعائیں غم زدہ خاندانوں کے ساتھ ہیں۔ وزیراعظم نے دعا کی کہ اللہ تعالی مرحومین کو اپنے جوار رحمت میں جگہ دے اور پسماندگان کو صبر جمیل عطا فرمائے
جلال پور پیر والا انٹر چینج پر ہونے والا آئل ٹینکر کا حادثہ نہایت ہی افسوناک ہے ۔ حادثے میں 20 قیمتی جانوں کے ضیاع پر دکھی اور رنجیدہ ہوں۔ میری دعائیں غم زدہ خاندانوں کے ساتھ ہیں۔ اللہ تعالی سے دعا ہے کہ وہ مرحومین کو اپنے جوار رحمت میں جگہ دے اور پسماندگان کو صبر جمیل عطا فرمائے
— Shehbaz Sharif (@CMShehbaz) August 16, 2022