اقوام متحدہ کی میانمار کی فوج کو دھمکی
اقوام متحدہ نے میانمار کی فوج کو خبردار کرتے ہوئے کہا ہے کہ وہ جمہوریت کے حق اور فوجی بغاوت کے خلاف احتجاج کرنے والے مظاہرین کے خلاف کوئی بھی سخت کارروائی کرنے سے باز رہے۔اقوام متحدہ کے مطابق ایسی کسی بھی کارروائی کے شدید نتائج برآمد ہوں گے، میانمار نے ملک بھر میں انٹرنیٹ سروس معطل کرتے ہوئے معاشی سرگرمیوں کے شہر ینگون کی سڑکوں پر ٹینک تعینات کر دیے تھے،دوسری جانب سنگاپور نے کہا ہے کہ میانمار کی صورتحال خطرناک ہے لیکن فی الحال پابندیوں کی ضرورت نہیں،سنگاپور حکومت کے مطابق وہ اس حوالے سے جرمنی سمیت اہم یورپی ممالک سے بات چیت جاری رکھے ہوئے ہیں۔
