وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ سندھ میں بلدیاتی الیکشن کے دوسرے مرحلے میں پاکستان پیپلز پارٹی کی شاندار کامیابی پر ووٹرز، پارٹی قیادت، امیدوار اور کارکنان کو مبارکباد پیش کرتی ہوں۔ کراچی، جامشورو، حیدرآباد، دادو، جوہی، سیہون، خیرپور ناتھن شاہ، مٹیاری اور ٹھٹھہ سمیت دیگر اضلاع میں پیپلزپارٹی کا تیر چلا ہے ۔ان خیالات کااظہار شیر رحمان نے سوموار کے روز ٹوئٹر پر جاری اپنے بیان میں کیا۔ شیری رحما ن کا کہنا تھاکہ پیپلز پارٹی کی بلدیاتی انتخابات میں اکثریتی جیت عوام کی طرف سے اعتماد کا ووٹ ہے۔ اب تک کے بلدیاتی انتخابات کے نتائج کے مطابق تحریک انصاف کو تاریخی شکست ملی ہے۔ سندھ کے لوگوں نے پیپلز پارٹی کا انتخاب کیا ہے اور تحریک انصاف کے نام نہاد بیانئے کو ایک بار پھر مسترد کر دیا ہے۔ان کا کہنا تھا کہ پیپلز پارٹی نے بیانیہ نہیں عوامی خدمت میں وقت گزارا ہے۔ چیئرمین بلاول بھٹوزردار ی کی قیادت پر عوام کو پورا یقین ہے۔ کرونا وبا ہو یا سیلاب ہم ہر مشکل میں عوام کے ساتھ کھڑے رہے۔ پی پی پی کی سیاست کا مقصد عوام کی خدمت ہے۔ عوام اور پیپلز پارٹی کا بیچ اعتماد کا یہ رشتہ کبھی نہیں ٹوٹے گا۔ 

وزیر خارجہ بلاول بھٹو زرداری دبئی روانہ ہو گئے