عالمی اقتصادیات کو نقصان سے بچانے کیلئے بڑی طاقتیں تنازعات اور انتشار سے اجتناب کریں۔ یورپی یونین
یورپی یونین نے امریکا، روس اور چین سے کہا ہے کہ وہ قریبی رابطہ کاری اور اشتراک سے عالمی تجارتی تناو کی صورت حال کو ختم کریں کیونکہ اگر ایسا نہ ہوا تو یہ افراتفری اور تشدد کا باعث ہو سکتا ہے۔جرمن خبررساں ادار ے کے مطابق چین اور یورپی کونسل کی سالانہ میٹنگ کے سلسلے میں چین کے دارالحکومت بیجنگ میں موجود یورپی کونسل کے صدر ڈونلڈ ٹسک نے واضح کیا کہ اگر یہی کیفیت برقرار رہی تو یہ عالمی اقتصادیات کے لیے شدید نقصان دہ ہو گی۔انہوں نے یہ بیان چینی وزیراعظم لی کی چیانگ کے ساتھ ملاقات کے بعد دیا۔یہ میٹنگ ایسے وقت میں ہو رہی ہے جب چین اور امریکا کے مابین تجارتی جنگ جاری ہے۔
