لاہور: لاہور شہر میں 32 علاقوں کی گلیوں کو لاک ڈاون کرنے کی فہرست تیار کر لی گئی، فہرست کو کیبنٹ کمیٹی کے اجلاس میں پیش کیا جائے گا۔ ڈویثرنل کمشنر آفس ذرائع کے مطابق اجلاس میں وزیر اعلی پنجاب، سینئیر وزیر، چیف سیکریٹری، وزیر ہیلتھ، سیکریٹری ہیلتھ، کمشنر، سی سی پی او، ڈپٹی کمشنر شامل ہوں گے، اجلاس میں کیبنٹ کمیٹی کے ممبران شامل ہوں گے، سرکاری افسران اور سیاسی شخصیات کی رضا مندی سے فیصلہ کیا جائے گا، وزیر اعلی پنجاب کیبنٹ کمیٹی کے اجلاس میں باقاعدہ منظوری دیں گے۔ منظوری کے بعد کمشنر لاہور ڈویثرن، ڈپٹی کمشنر لاہور، سی سی پی او علاقوں کی گلیاں لاک ڈاون کرنے کا لائحہ عمل اختیار کریں گے، علاقوں کی گلیاں کو آج رات 12 بجے لاک ڈاون کر دیا جائے گا۔

غزہ:شہید ماہی گیروں سے اظہار یکجہتی کے لیے ہڑتال

واضح رہے پہلے مرحلے میں ہربنس پورہ، اقبال ٹاؤن، شاہدرہ، شادباغ، والڈ سٹی کے علاقوں کو سربمہر کیا جائے گا۔ کینٹ، گلبرگ، مزنگ اور نشتر ٹاؤن میں زیادہ کیسز والی گلیوں اور محلوں کو سیل کیا جائے گا۔ سلیکٹڈ لاک ڈاؤن 2 ہفتوں تک جاری رہے گا۔ کسی کو آمدورفت کی اجازت نہیں ہوگی، انتظامیہ متاثرہ علاقوں کی مسلسل نگرانی بھی کرے گی۔

خیال رہے پاکستان میں کورونا کے متاثرین تیزی سے بڑھنے لگے، ملک بھر میں کورونا کے تصدیق شدہ کیسز کی تعداد ایک لاکھ 48 ہزار 921 تک پہنچ گئی جبکہ ایک دن میں 111 افراد جاں بحق ہوگئے جس کے بعد اموات کی تعداد 2 ہزار 839 ہوگئی۔

 ملک بھر میں کورونا وائرس کی دوسری لہر آسکتی ہے۔سعودی وزارت صحت کا انتباہ