پاک بحریہ نے خشکی سے سطح آب پر مار کرنے والے میزائل کامیاب تجربہ کرلی
پاکستان نیوی کے ترجمان کے مطابق پاک بحریہ نے خشکی سے سمندر میں بحری جہاز کو نشانہ بنانے والے میزائل کا کامیاب تجربہ کرلیا،،، میزائل جدید ٹیکنالوجی اور ایویونکس سے لیس ہے، ترجمان کے مطابق میزائل کا کامیاب تجربہ پاکستان کے ساحلی علاقے سے کیا گیا جس نے سمندر میں اپنے مقررہ ہدف کو درستگی سے نشانہ بنایا، تجربے کے موقع پر وائس چیف آف نیول سٹاف ایڈمرل خان ہشام بن صدیق اور پاک بحریہ کے اعلیٰ آفیسرز موجود تھے، وائس چیف آف نیول سٹاف نے کامیاب تجربے پر میزائل یونٹ کی کاوشوں کی تعریف کی، پاک بحریہ کے سربراہ ایڈمرل ذکا اللہ نے اپنے پیغام میں نیوی آفسران اور عملے کو مبارکباد پیش کی، ان کا کہنا تھا کہ نئے میزائل کی شمولیت پاک بحریہ کے آپریشنل دائرہ کار میں ایک نئی جہت کا اضافہ ہے، اس سے ناصرف پاک بحریہ کو زمین سے سمندر میں دور فاصلہ تک میزائل لانچنگ کی سہولت حاصل ہو چکی ہے، بلکہ ملکی بحری دفاع مزید مضبوط ہو گا
