مردم شماری کیس: ایم کیو ایم کے وکیل نے مہلت مانگ لی
سپریم کورٹ میں مردم شماری سے متعلق کیس کی سماعت ہوئی،دوران سماعت جسٹس یحییٰ آفریدی نے کہا کہ کیا کیس میں اٹھائے جانے والے نکات ابھی بھی موثر ہیں،جس پر وکیل نے کہا کہ ایم کیو ایم نے کیس میں ترمیم کی درخواست بھی دے رکھی ہے،رجسٹرار اعتراضات ختم ہونے کے بعد ہی ترمیم ہو سکے گی۔ اس موقع پرجسٹس مشیر عالم نے استفسار کیا کہ ایک صوبے کا مسئلہ ہے ہائی کورٹ سے رجوع کیوں نہیں کیاگیا جبکہ درخواست میں اٹھائے جانے والے مسائل قومی نوعیت کے نہیں،بہتر ہے کہ آپ اپنے موکل سے ہدایات لے لیں۔ جس پر ایم کیو ایم پاکستان کے وکیل نے کیس میں ہدایات لینے کیلئے مہلت مانگی جسے عدالت نے منظور کرتے ہوئے کیس کی مزید سماعت غیر معینہ مدت تک ملتوی کردی
