روسی شہر کراسنودار اور ترک شہر سامسون کے درمیان مسافر پروازوں کا باقاعدہ آغاز ہو گیا ہے۔ غیر ملکی خبررساں ادارے کے مطابق اس سلسلے میں روس لائن کمپنی کا ایس آر جے-200قسم کا 54 نشستوں کا حامل طیارہ ہفتے کے روز 40 منٹ کی پرواز کے بعد کرسنودار سے سامسون پہنچا۔ مسافروں کے استقبال کےلیے ہوائی اڈے پر سامسون کے گورنر توران چاکر موجود تھے جنہوں نے کہا کہ ان پروازوں کے آغاز سے مقامی سیاحت کو فروغ ملے گا اور سامسون بحیرہ اسود کی ساحلی پٹی کا ایک خوبصورت شہر ہے۔