ٹرمپ کا کورونا ویکسین کی تیاری کیلئے''آپریشن وارپ سپیڈ''شروع کرنے کا اعلان
امریکی صدر رواں سال کے آخر تک کورونا ویکسین کی تیاری کیلئے پر امید، ڈونلڈ ٹرمپ نے کورونا وائرس کی ویکسین کی تیاری کے سلسلے میں''آپریشن وارپ سپیڈ''شروع کرنے کا اعلان کیا ہے۔وائٹ ہائوس میں میڈیا سے گفتگو کرتے ہوئے امریکی صدر نے کہا کہ اس نئے آپریشن کا مقصد ویکسین پر کام، اس کی تیاری اور کورونا وائرس کی مصدقہ ویکسین کے طور پر فروخت کو جلد سے جلد ممکن بنانا ہے۔ انہوں نے کہا ان کی کوشش ہوگی کہ اس سال کے اختتام سے پہلے اس کام کو منطقی انجام تک پہنچا دیں۔امریکی صدر نے کہا کہ انا کا مسئلہ نہیں بنانا چاہئے ، اگر چین نے پہلے کامیابی حاصل کرلی تو اس سے لیں گے۔
